ڕۆژا چارشەمبێ ڕێکەفتی (٢٠٢٦/٦/١٧) ب ئامادەبوونا ڕێزدار (پ.د. محمد حسن خمو) هاریکارێ سەرۆکێ زانکۆیێ بۆ کاروبارێن کارگێری و دارایی، ڕێورەسمێن خۆلا ڕاهێنانێ یا تایبەت بۆ فەرمانبەرێن زانکۆیێ ئەوا لژێر ناڤونیشانێ «ژ ڕۆتینێ بەرەف دەستکەفتان: گەشەپێدانا ئەدایا کارگێری د ژینگەها کارێ دامەزراوەییدا» بڕێڤەچوون.
د ڕێورەسمان دا خۆل بدوماهیک هات و باوەرنامە ب سەر پشکداران دا هاتنە دابەشکرن.
هەژیە بێژین؛ ئەڤ خۆلە هاتە پێشکێشکرن بۆ فەرمانبەرێن هێژا یێن زانکۆیا زاخۆ، ب مەرەما کێمکرنا ڕۆتینا کارگێڕی و داهێنانا شێوازێن نوی د ڕاپەڕاندنا کاراندا.
تەوەر و پرۆگرامێ خۆلێ:
خۆل بۆ دەمێ (٣) ڕۆژان (کۆما ١٢ دەمژمێرێن ڕاهێنانێ - ڕۆژانە ٤ دەمژمێر)  بەردەوامبوو، ب ڤی شێوەیێ ل خوارێ:
• ڕۆژا ئێکێ (یەکشەمبی ١٤/٦/٢٠٢٦): ڕۆتینا کارگێری و گەشەپێدانا ئەدایا وەزیفی.
• ڕۆژا دووێ (دووشەمبی ١٥/٦/٢٠٢٦): پەیوەندیا کارگێریا کاریگەر د ژینگەها کاریدا.
• ڕۆژا سێیێ (چوارشەمبی ١٧/٦/٢٠٢٦): ئاڤاکرنا تیمێن کاری و بجهئینانا دەستکەفتێن دامەزراوەیی.

•  ئارمانجێن سەرەکی یێن پڕۆگرامی:
• گەشەپێدانا کارامەییێن ئەدایا کارگێڕی ل دەف فەرمانبەران.
• کێمکرنا ڕۆتینێ و باشترکرنا شیان و بلەزکرنا ڕاپەڕاندنا کاران.
• پێشئێخستن و بهێزکرنا کارامەییێن پەیوەندیا کارگێڕی د ناڤبەرا پشکان دا.
• گەشەپێدانا گیانێ کارێ کۆم (تیم وۆڕک) و هەڤکاریێ.
• بلندکرنا ئاستێ بەرهەمهێنان و دەستکەفتان د ژینگەها کارێ فەرمیدا.
زانکۆیا زاخۆ هەمیا دەمان بزاڤێ دکەت ڕێڕەوێ کارگێڕی بەرەو پێشڤەببەت دا کۆ باشترین خزمەتگوزاری پێشکەشی قوتابی و سەرەدانکەران بهێتە کرن.
هەژیە بێژین؛ ئەڤ خۆلە ژلایێ ڕێزدار (د. زێرەڤان عبدالرحمن عمر )ـڤە هاتە پێشکێشکرن.